Gusomana mu mpuzankano y’igisirikare byamuviriyemo igihano gikomeye
Mu gihe abanyamuryango benshi bategura ubukwe bwabo mu byishimo n’urukundo, Adjudant Sarah Ebabi, umusirikare wa Repubulika Iharanira Demokarasi ya Congo (RDC) wamenyekanye ku mbuga nkoranyambaga nka Ebadjara, arimo guhangana n’ingaruka zikomeye z’amashusho agaragaza urukundo rwe.
Ebabi n’umukunzi we bari biteguye gutangira ubuzima bushya hamwe ku wa 31 Ukwakira 2025. Mbere y’ibirori, bombi bajyanye na Raw Studio i Kinshasa gufatira amafoto n’amashusho y’ibirori byabo bateganya, ibintu bisanzwe mu myiteguro y’ubukwe.
Ariko tariki ya 24 Ukwakira 2025, ibyishimo byahindutse agahinda ubwo igisirikare cya RDC cyafata Ebabi, gishinja gusomana yambaye impuzankano y’igisirikare, ndetse n’uko amashusho yakwirakwijwe ku mbuga nkoranyambaga. Ubu, Ebabi aracyari mu kasho y’Ubushinjacyaha bwa gisirikare, ari mu gihe inkiko zitegerejweho umwanzuro.
Ubushinjacyaha bwa gisirikare bwamushinjije guharabika igisirikare no kurenga ku mabwiriza y’ubuyobozi, buvuga ko amasaha 25 y’amashusho ye yambaye impuzankano yashyizwe ku mbuga nkoranyambaga, bityo bigakoza isoni isura y’ingabo za RDC.
Mu rukiko rukuru rwa gisirikare, Ebabi yihamirije ko atari we washyize amashusho ku rubuga rwa TikTok, ahubwo ko umufotozi wa Raw Studio, Yannick Kayembe, ari we wagamije kwamamaza ibikorwa bye.
Ati: “Icyaha ni gatozi, Bwana Perezida. Si njye wakwirakwije aya mashusho,” yasobanuye imbere y’urukiko, agaragaza ko icyaha cyo gukwirakwiza kitamugenewe.
Ariko ubushinjacyaha bwa gisirikare burasubiramo ko Ebabi ari we wahaye uruhushya rwo gukwirakwiza amashusho, bumusaba igifungo cy’imyaka 10.
Abasesenguzi mu by’amategeko bavuga ko iki kibazo kigaragaza ukuntu amategeko y’ingabo ashobora kuba akaze ku basirikare, aho ibikorwa by’umuntu ku giti cye bishobora gufatwa nk’ikibazo cy’ubutegetsi.
Dr. Jean Mukendi, impuguke mu by’amategeko y’igisirikare, ati :“Iki kibazo kirerekana uburyo amabwiriza y’ingabo ya RDC ashyira imbere isura y’igisirikare n’icyubahiro cyacyo. Gusomana byoroheje, n’ubwo bikorwa mu buzima bwite, birafatwa nk’uburangare bukomeye, cyane iyo bikoze mu buryo bushobora kugera ku mbuga nkoranyambaga.”
Abakurikiranira hafi imbuga nkoranyambaga bavuga ko Ebabi yari yaramenyekanye cyane kubera uburyo yitwara ku mbuga nkoranyambaga, aho yerekana ubuzima bwe busanzwe n’ibikorwa by’urukundo.
Hari benshi basanga ibihano bya gisirikare bihanitse bishobora kuba intandaro yo gusubiza inyuma gahunda z’igisirikare cyo kwiyubaka ku mbuga nkoranyambaga, aho abasirikare bagomba kuba intangarugero ku bandi.
Ubufatanye bwa gisirikare n’ubushinjacyaha bwategetse ko umwanzuro w’urukiko uzatangazwa ku gicamunsi cyo kuri uyu wa 29 Ukwakira 2025, ibintu bizaba ari ikimenyetso cy’ukuntu amategeko akaze ashobora kubangamira ubuzima bwite bw’abanyasirikare.
INKURU YA IHIRWE J.Christian